Ilinniartitaaq

Iliuusissatut pilersaarut ukiuni arlalinni atuuttussaavoq. Taamaattumik meeqqat inuusuttullu ilinniartinneqarnissaat pingaarnerpaat ilaattut iliuuseqarfigineqassaaq. Ilinniartitsinerli meeqqanut inuusuttunullu kisimi atuutissanngilaq. Sulisinnaasut ilinniartitseqqinneqartarnissaat piginnaasaasalu pitsanngorsarnissaat aamma pingaaruteqartorujussuuvoq.


Qaasuitsup Kommuniani ilinniarneq ilinniartitaanerlu inuiaqatigiit inerisarneqarneranni pingaarutilittut isigaarput. Meeqqat inuusuttullu ilinniartinneratigut ilinniartitaaneratigullu pisariaqartitaannik sakkussanik, piginnaasaannik siunissamilu unammillernartuusinnaasunik qaangiiniarnissaannut sakkussanik tunniussisinnaavugut.

Qaasuitsup Kommuniata taamaattumik ilinniarneq inillu ilinniartitaanermi atorneqartussat pingaartittorujussuuvai. Meerartatta ilinniarsinnaalersinniarlugit piareersarneqarnissaat nunarsuarmilu meeqqanut allanut naleqqussuussinnaalernissaat kissaatigaarput.

Peqatigiilluta siunissami atuarfiup inerisarneqarnissaanik tamanna piumasaqaatitaqarpoq; taamaalilluni inuttut tunngavigisat inissinneqarsinnaaniassammata. Ajornartorsiutit siusissukkut iliuuseqarfigisariaqarpavut alliartunnginniassammata. Ikioqatigiilluta ataatsimoorussillutalu suliassaq kivittariaqarparput; taamaaliornitsigut meerartavut inuusuttortavullu toqqissisimasumik pitsaasunillu killilinnik pilersitsiviginiassagatsigik.

Inuusuttut amerlanerit ilinniakkaminnik siunissami naammassinnittarnissaat pingaaruteqarpoq ullumikkornillu qaffasinnerusunik ilinniagaqarnissaat aamma pingaaruteqarluni. Kommunemi ilinniartitsisut piginnaaneqarluartut sulilernissaat kajungernartunngortinniarlugu immikkut iliuuseqartariaqarpugut.

Qaasuitsup Kommuniata ilinniartitaaneq atuarfiillu nutaamik inerisarneqarnissaat anguniarlugu iliuuseqarnissaq peqataaffigerusuppaa, taamaaliornikkummi inuusuttut ilinniarnissaminni aallussiinnarniassammata.

Inuusuttut ilinniartitaanerini timersornikkut soqutigisat siunissami immaqa ataqatigiissaarneqarsinnaaruttortut? Ilinniarfiit assigiinngitsut init pisariaqartitaat – ilinniartut inaat assigisaallu – piaarnerpaamik pilersinneqartariaqarput.

Qaasuitsup Kommuniata taamaattumik ilinniarneq inillu ilinniartitaanermi atorneqartussat pingaartittorujussuuvai.

Qaasuitsup Kommuniani paasinnerusussuseq, sapiissuseq nutaanilu ilikkarusussuseq – qanorluunniit ukioqaraluaraanni – pingaartippaa. Suliffissarsiuusseriaatsip inerisarneqarnerani ilinniaqqititsisarneq pisariaqarpoq. Assersuutigalugu inuppassuaqarpoq atuarniarnermikkut ajornartorsiuteqartunik atuarniarnermikkut ajornartorsiuteqartut nalunaarsorneqarnissaat qanorlu ajornartorsiutaatigineri paasiniartariaqarparput.

Pikkorissartitsisarnerit ilinniartitaanerillu suliffeqarfinnut attuumassuteqartut siunissami nukittorsarneqartariaqarput. Piginnaasanik pitsanngorsaanerit, misiliiluni sulisinneqarnerit sungiusaqqinneqartarnerillu tassaapput suliaqarnitsinni suliassatta ilaat.

Inuutissarsiuteqalerniarluni ilinniartitaanerit inerisarneqarnissaat Piareersarfiit aqqutigalugit immikkut iliuuseqarfigineqassaaq. Ilinniaqqiffissat pikkorissarfissallu pitsaasut kikkunnit tamanit kommunemi inuutissarsiornikkut suliffeqarnikkullu siunissami unammillernarsinnaasunik piginnaasaminnik pitsanngorsaaffigerusutaat neqeroorutigerusuppavut.

Utoqqasaanngortut pissutsinik amerlasuunik ilisimasaqartorujussuupput, taakku ullumikkut atorneqarneq ajorput imaluunniit kinguaariinnut tullernut ingerlateqqinneqarneq ajorlutik. Qaasuitsup Kommuniata ilisimasanik suliarisartakkanillu ukioqatigiikkuutaat akimorlugit paarlaasseqatigiittoqarsinnaaneranik kajungissarusuppoq, taamaalilluni inuusuttut utoqqasaanit ilinniarsinnaaniassammata paarlattuanillu utoqqasaat inuusuttunit ilinniarsinnaaniassammata.

Qaasuitsup Kommuniata teknologi nutaaliaasoq ilinniartitaanerup inerisarneqarnerani pingaartilluinnarlugu ilaatikkusuppaa. Unammilligassat naammattuugassagut ilaasa aaqqiiffiginiarneranni teknologi atornerusariaqarparput. 

Teknologip nutaalisaasup ilisimanerulernerata saniatigut oqaatitigut piginnaasat Kalaallit Nunaata kitaata avannaani siunissami pingaaruteqartorujussuussapput. Nunani tamalaani tuluttut oqaluffiusuni inuusuttortagut ilinniarnissaannik oqaatsinillu pikkorissarnissaannik neqerooruteqartariaqarpugut.

Qaasuitsup Kommuniata ilinniarfeqarfiit massakkut atuuttut amerlisarneqarnissaat nukittorsarneqarnissaallu nukittorsarfusuppai. Iluatsillugu ilinniartitaanerup iluani sila, inuiaqatigiit, kulturi aamma oqaatsit itinerusumik sammineqarlutik kommunemit ilinniarfigineqarsinnaanissaat sulissutigerusuppai.

Atualeqqaartut

Qaasuitsup Kommunia · Postboks 1023 · 3952 Ilulissat · Grønland · www.qaasuitsup.gl · E-mail: plan@qaasuitsup.gl · Tlf.: +299 947800
Kingullermik iluarsineqarpoq 25-8-2017