Siulequt

Kalaallit Nunaanni kommunet pilersaarutitik ukiut sisamakkaarlugit tulluarsartartussaavaat. Pilersaarummut iliuusissatut pilersaarut ilaasartussaavoq, taanna inerikkiartornerup qanoq issusianik takutitsisarpoq kommunillu siunissami suliassaannik tamakkiisumik takussusiisarluni.

Kommunip siunissami takorluugarujussui iliuusissatut pilersaarummi ersittussaapput ilutigalugulu tigussaasumik iliuuseriniakkanillu ilisimatitsissutaassalluni. Iliuusissatut pilersaarut tassaavoq Qaasuitsup Kommuniata kommunemut pilersaarutaa nutaaq tamarmiusoq.

Kommunimi pilersaarusioriaaseq ukiunut 12-inut atuuppoq, ukiulli sisamakkaarlugit nalilersuiffigineqartarpoq. Qaasuitsup Kommuniani Pilersaarusioriaaseq 2017-imoortumi pilersaarutit ineriartortitsinissamillu siunnerfiit ukiuni tulliuttuni sisamani pingaartillugit anguniakkatta qanillattortinnissaannut aallussitissavaatigut.

Kommunalbestyrelsip aalajangiunnikuaa pingaartitat, tamatigoortuneq aqqutigalugu ineriartorneq pilersaarusioriaatsimi tunngaviulluinnassasut.

Ataatsimiititaliap Kommunalbestyrelsimut inassutigisimavaa, siunnersuut nassiunneqarsimasoq annertusarneqassasoq makkuninnga: Qaasuitsup Kommuniani suna ilisimaneqaatigissavarput aamma inuussutissarsiutit ineriartortinneqarnerat qanoq iliorluta pimoorunneqarnerulersissinnaavarput, aalisarneq, ilisimatusarneq aamma ilinniartitaaneq kiisalu takornariartitsinermik inuussutissarsiut eqqarsaatigalugit. Tamakkuninnga una pilersaarut imaqarpoq.

Kommunip avinneqassappat pilersaarut naleqqussaaffigineqarsinnaasoq Kommunalbestyrelsi aalajangiivoq.

Kommunip pilersaarutaa ingerlaavaartumik kommunip pilersaarutaanut tapiliussat atorlugit nutarteriffigineqartassaaq.

Kommunip avinneqarnissaa pissagaluarpat pilersaarutip naleqqussarneqarsinnaanissaanik Kommunalbestyrelsip kissaataa ima oqaaseqaateqarfigineqarsinnaavoq, kommuni avinneqassappat taava inatsisit tunngavigineqartut suli atuuttuussapput, soorlu kinguliini allassimasuni inatsisitigut tunngaviusuni atuarneqarsinnaasoq.

Kommuni avinneqassappat, Kommunalbestyrelsit nutaat ivertinneqassapput taakkulu Kommunalbestyrelsit anguniakkatik takorluukkatillu aallaavigalugit pilersaarusioriaatsimik suliaqartussaapput. Pilersaarut una soorunami aallaavittut atorneqarsinnaavoq, kisianni Kommunalbestyrelsit nutaat taakkulu naalakkersuinikkut anguniagaat tassaapput aallaavigineqartussat.

Kommunip pilersaarutaanik nutarterinermut, pilersaarusioriaaseq 2016 tunngavittut aallaaviuvoq. Pilersaarusioriaatsimut 2017-imut qulequtaritinneqartut uku, kommunip pilersaarutaanik paasisaqarfiusinnaasumik akuersissuteqarnissaq pillugu innersuussummik imaqarpoq, tassa Kommunalbestyrelsi pineqartoq una taamaalilluni Kommunalbestyrelsinngortussamut imaluunniit Kommunalbestyrelsinngortussanut nutaanut atortussanik pisunut naleqquttunik tunniussaqartussaammat.

Kommunalbestyrelsip pilersaarusioriaaseq atorlgu kommunimut pilersaarut nalilersuiffigillattaassavaa kommunimullu pilersaarummi 2017-29-imoortumi takornariartitsinerup kiisalu inuussutissarsiutinik inerniartortitsinetup pilerssarusiorneqarneri eqqummaariffigineqassallutik. Ilutigisaanik attaveqaatit inerisaaffiginerat suliarineqarpoq, tassani attaveqaatit mittarfiillu pillugit pilersaarutit pingasut piviusunngortinnissaat pillugu aalajangiinissaq utaqqineqarluni.

 

Atuarluarina.

Kommunalbestyrelse sinnerlugu

Ole Dorph

Borgmesteri

 

Sakio Fleischer

Attaveqaatinut, Sanaartornermut Avatangiisinullu Ataatsimiititaliaq

Arsarnerit

Qaasuitsup Kommunia · Postboks 1023 · 3952 Ilulissat · Grønland · www.qaasuitsup.gl · E-mail: plan@qaasuitsup.gl · Tlf.: +299 947800
Kingullermik iluarsineqarpoq 25-8-2017